O Clúster Audiovisual Galego dará a coñecer o vindeiro 30 de abril en Santiago a Plataforma Audiovisual i+dea na xornada de presentación da Rede de Plataformas Tecnolóxicas Galegas. O obxectivo é crear un foro aberto de comunicación entre a industria audiovisual e a comunidade científico-técnica e empresarial en materia de I+D+I. A Plataforma Audiovisual conta neste momento con 64 membros, dos cales 31 son empresas, 3 centros tecnolóxicos, 23 grupos de investigación universitarios, 3 departamentos ou entidades públicas, 3 organizacións empresariais e unha fundación.